Irantzu Varela irundarrei barre eragiteko asmoarekin izango da CBAn
Ostiralean 'Manologo' bakarrizketa eskainiko du CBAko areto berrian. Sarrerak jada salgai daude.
Musika ez ezik, umoreak ere badu bere lekua CBAko areto berrian. Irantzu Varelak bakarrizketa saio bat eskainiko du ostiralean, 20:00etatik aurrera. Emanaldira joan nahi dutenek, udalaren webgunean, Luis Marianoko turismo bulegoan eta Amaia KZko txarteldegian eskuratu ahalko dituzte sarrerak, eta, emanaldia hasi baino ordubete lehenagotik, betiere sarrerarik geratzen bada, CBAko bertako txarteldegian ere, 7 edo 10 euroan bakoitzak aplika ditzakeen hobarien arabera.
Varelaren ikuskizunak Manologo du izena, eta emakumeen gaineko indarkeriei buruzko bakarrizketa komiko bat da. “Kontatzen du zer nazkatuta gauden bakeaz eta besteren gustua egiteaz munduak biolentzia, misoginia eta maskulinitatearen goratzea besterik eskaintzen ez digun honetan”, azaldu du Varelak.
Umoristaren ustez, barre eragitea kontzientzia eta amorrua pizteko modu bat da, eta horrez gain, justiziari ihes egiteko modu bat ere. “Lagundu bidaia honetan fantasia biolentoan eta barreetan zehar orain arte behintzat arma gisa beren gorputzak eta hitzak bakarrik erabili dituztenekin”, gehitu du Varelak.
