Psiloaroarekin emango diote ikasturteari hasiera Psilocyben
Bost kontzertu antolatu dituzte sei astetarako, eta lehen emanaldia igande honetan (hilak 26) izango da. La Luz eta Exnovios taldeak ariko dira.
“Deskantsu bat hartu ondoren, urriaren azken astean piztuko da berriro Amutalde kaleko P arrosa”, diote Psilocybekoek. Musika eta kulturarekin blaitzeko asmoa dute, eta horretarako sei astetan bost kontzertu antolatu dituzte munduko zenbait txokotako eta euskal panoramako artistekin.
Kontzertuak La Luz, Exnovio, Travo, On, The Darts, Paramoundras, Eraso! eta Naizpresidente taldeek emango dituzte, hurrenez hurren, baina aurreratu dute azaroaren 15ean「lotura」eragilearekin batera jaialdi bat egingo dutela.
Bada, igande honetan (hilak 26) izango da kontzertu sortako lehena, eta egun horretan La Luz eta Exnovios taldeak ariko dira, 19:00etan (ateak ordubete lehenago irekiko dituzte). Lehena Seattlen sortutako emakumez osatutako laukotea da, eta soo wop eta popo estiloen kitar harmonia surf musikarekin, 60ko hamarkadako garaje rock teklatu tipikoekin eta jatorrizko rock’n rollaren erritmo sinple eta itsaskorrekin konbinatzen ditu.
Exnovios, berriz, Iruñeako taldea da, eta abestiak pop lizun eta sendo, fuzz eta melodira distiratsuekin azaleratzen ditu.
Taldeen informazio gehiagorako eta sarrerak erosteko, egin klik hemen.
