Eguberrietako gabon kanten jaialdian edota erakusketan parte hartu nahi?
Irungo Udala aurtengo Eguberrietako jaiei begira jarri da. Jaialdian edo erakusketan parte hartu nahi dutenek izena emateko aukera dute jada.
Irungo Udala aurtengo Eguberrietako jaiei begira jarri da jada. Jakinarazi berri duenez, batetik, Olentzero eta Gabon Kanten Jaialdia izango da aurten ere; bestetik, Jaiotza eta Olentzeroren Erakusketak ere ez duela hutsik egingo 2025 honetan aurreratu du erakundeak.
Kanten jaialdia abenduaren 24an izango da, 19:00etatik aurrera, San Juan plazan. Erakusketak, berriz, Amaia KZn hartuko du ostatu, abenduaren 12tik datorren urteko urtarrilaren 4ra bitarte.
Hauetan bi kategoria izango dira: 16 urtetik beherakoak eta gorakoak. Bietako batean ala bietan parte hartu nahi duten irundarrek HAZ bulegora jo beharko dute, azaroaren 10a baino lehen.
Gabon kanten jaialdirako partaideek ordezkari bat izendatu beharko dutela iragarri du erakundeak, azaroaren 19ko 13:00etan hain zuzen ere. Kultura zerbitzuko bulegoetan aurkeztu beharko dira eskaera hauek.
Jaiotzak eta Olentzeroak Amaia KZn entregatu beharko dira abenduaren 10ean edo 11n, 15:00etatik 21:00etara. Jaiotzen neurriak honakoak dira: 125×100 zentimetrokoak gehienez. Olentzeroenak, berriz, 200×150 zentimetrokoak beharko dute izan.
Kantuan ariko diren talde guztiek 100 euroko dieta jasoko dute. Gehienez 8 talderi emango ditoe dieta hori, eta talde gehiago baleunde, modu proportzionalean banatuko dute zenbateko hori. Udalaren eskutik nolabaiteko diru laguntza jasotzen duten abesbatzek, gainera, 50 euroko saria jasoko dute.
