Eskualdeko emakumeak squashean murgiltzera deitu ditu Lur-Alai klubak
Igandero doako saioak eskainiko dizkiete hala nahi duten emakumeei. Artalekun bilduko dira, goizez.
Bidasoko emakumeak squasharen munduan murgildu nahi ditu Lur-Alai Squash klubak, horren aldeko apustua egin berri du Emakume Unibertsoa izeneko programaren bitartez. Kirol honetan trebatzeko doako saioak eskainiko dizkiete hala nahi duten emakumeei. Igandero bilduko direla iragarri dute, atzo egin zuten lehen saioa.
Artaleku kiroldegian izango dira saio horiek, 11:00etatik 12:30era. Deialdi irekia egin diete adin tarte guztietako emakumeei: “Anima zaituzten eta animatu zuen lagunak, senideak, bikotekideak, alabak. Ezagutu munduko erraketa kirolik osoena”.
Izena emateko email honetara idatzi beharko da, edo bestela, 687 97 64 96 telefono zenbakira hots egin daiteke.
Saioetara arropa erosoarekin joateko gomendioa eman du klubak.
