'Zientzia-Historia-Zientzia' zikloaren hirugarrena, Oiasso museoan
'One Health: giza, animalia eta ingurumen osasuna' lelopean ondu dute hirugarren zikloa, eta zenbait jarduera antolatu dituzte horretarako.
Irungo Oiasso Museoak eta Biogipuzkoak elkarlanean hirugarrenez antolatu dute Zientzia – Historia – Zientzia zikloa. Aipatu dutenez, helburua da aukera bat eskaintzea osasun ikerketak eta ezagutza zientifikoak historikoan zehar gizartearen aurrerabidean izan duten eta izaten jarraitzen duten eragina zabaltzeko. Ziklo horietan zientzia, dibulgazioa, historia eta osasuna jorratuko dituzte.
Ziklo hori One Health: giza, animalia eta ingurumen osasuna lelopean antolatu dute, eta ingurumenaren egoerak gizakion osasunarekin izan dituzten eta dituzten elkarrekintzak aztertu nahi dituzte historiaren eta zientziaren ikuspegiak uztartuz. Horretarako, egitarau bat ondu dute Oiasson egingo dituzten hitzaldi ziklo elkarrizketatuekin:
- Hilak 21, asteartea, 19:00
- Elikadura. Mertxe Urteaga eta Ainhoa Bereziartuaren elkarrizketa. Moderatzailea: Marialui Garcia.
- Hilak 22, asteazkena, 19:00.
- Urbanismoa. Izaskun Aseginolaza eta Jesus Ibarlucearen arteko elkarrizketa. Moderatzailea: Koldo Garcia.
- Hilak 23, osteguna, 19:00.
- Pandemiak. Manuel Ferreiro eta Yolanda Salicioren arteko elkarrizketa. Moderatzailea: Cristina Ubani.
- Hilak 24, ostirala, 18:00.
- Des-extinción pelikularen proiekzioa. Aurkezpena: Koldo Garcia.
- Hilak 24, ostirala, 19:00.
- 5 litro erakusketaren inaugurazioa.
5 litro. Aire kutsadura eta osasuna. Errealitate birtualeko erakusketa.
Errealitate birtualeko erakusketa hori Ainhoa Bereziartua Aranzabal eta Maddi Astigarraga Bergarak egin dute. Lehena Biogipuzkoako eta EHUko ikertzailea da, eta, bigarrena, berriz, ilustratzaile zientifikoa. Ondu dutena One Healthi buruzko proiektu pilotu bat da, eta proiektu ibiltari bat da “errealitate areagotua erabiltzen duena hiri osasunari buruzko ezagutzak trasmititzeko”.
Zehaztu dutenez, bestalde, hiri inguruneak pertsonen osasunean nola eragiten duen kontzientziatzeko beharrak eraginda sortu dute lana.
