Gipuzkoako taldekako blitz txapelketa jokatu dute Irunen
Bidasoa Xake Klubeko lau taldek hartu dute parte txapelketan, eta orotara 22 talde izan dira. Larunbatean lehiaketa berri bati ekingo diote.
Asteburuan jokatu dute Irungo Palmera Montero gunean Gipuzkoako taldekako blitz txapelketa 10 txandarekin eta 3 + 2ko joko errimarekin. Orotara 88 jokalarik hartu zuten parte, 22 taldetan banatuta, eta horietatik lau Bidasoa Xake Klubekoak izan dira.
Partidetako arbitrajea Lukas Iruretagoiena Nazioarteko Arabiroak egin zuen, eta sari banaketa, berriz, Carlos Pascual txapelketaren zuzendariak.
Txapelketako irabazlea Gros M, txapeldunordea Gros A eta hirugarren sailkatua Alfil A taldeak izan dira.
Antolatzaileak pozik agertu dira norgehiagoken biharamunean, Gipuzkoako xakea hazten ari dela ikusten baitute.
Datorren larunbatetik (hilak 11) azaroaren 22ra Kategoria Absolutuko Gipuzkoako Banakako Txapelketa jokatuko dute Bidasoa Xake Klubaren lokalean.
