Hilaren 10etik aurrera, Irun Marketerako deskontu kodeak eskuragarri
Hilaren 30era arte dago kodeak egoitza elektroniko bidez eskatzeko aukera. Pertsona bakoitzak eskaera bakarra egin dezake.
Irungo Udaleko Hiria Bultzatzeko eta Ekonomia Sustatzeko arloak jakinarazi duenez, hilaren 10etik aurrera eskatu ahal izango dituzte bizilagunek deskontu kodeak Irun Market online salmenta plataformarako.
Deskontu kode horiek eskatzeko epea hilaren 30era arte egongo da zabalik, eta egoitza elektronikoaren bidez egin beharko dira eskariak. Hala ere, norbanako bakoitzak eskaera bakarra egin dezake. Behin eskaera eginda, mezu elektroniko bat iritsiko zaio eskatzaileari dagozkion bost deskontu kodeekin.
Funtzionamendua
Deskontu kode horiekin, bizilagun batek 30 euroko gastua egiten duenean, 30 euro ordaindu beharrean 20 euro ordainduko ditu. Hala ere, jakinarazi dute bost kodeak erosketa bakar batean erabil daitezkeela; metatu daitezkeela, alegia, eta denak batera erabili betiere erosketaren balioa 30 eurotik gorakoa bada.
Kode horiek urriaren 24tik azaroaren 30era bitartean erabili ahal izango dira Irun Markel online salmenta plataformari atxikitako establezimenduetan.
Aipatutakoaz gain, gogorarazi dute iraileko bigarren hamabostaldian lau topaketa egingo dituztela Merkataritzarekin topaketak. ON moduan tokiko merkataritzarekin lelopean.
Topaketak
- Hilak 16. Commerce Lab (Serapio Mujika kalea, 8). 14:00.
- Hilak 18. Palmera Montero espazioa. 20:00.
- Hilak 23. San Migelgo adinekoen lokaka. 14:00.
- Hilak 25. Commerce Lab. 20:00.
