Jaizkibel Konpainiaren kufijak agortu dira jada
Irailaren 8an kufija palestinar zapiarekin desfilatzeko elkartasun kanpaina abiatu du Jaizkibelek. Gehiago ez dituzten arren, norberaren kabuz lortzen saiatzeko deia zabaldu dute.
Palestinarekiko elkartasunez jantziko du Jaizkibel Konpainiak irailaren 8a. Izan ere, Alarde egunean, ohiko zapiaz gain, kufija palestinar zapia eramango dute soinean konpainiako kideek. Kufijen salmenta kanpaina hil hasieran abiatu zuten Gernika-Palestina eta Etxara elkarteekin lankidetzan. Zisjordaniako enpresa baten bidez eskuratu dituzte zapiak, eta eskuratutako dirua Gazara bideratuko dute.
Haatik, kafijak agortu zaizkiela jakinarazi du Jaizkibelek, eta “oso eskertuta” agertu dira elkartasun kanpainari egindako harreragatik. Hala ere, zapia “beste bideetatik lortzeko” deia egin du konpainiak, eta “ia seguru” daude azken entsegu egunerako eta irailaren 8rako zapi gehiago izango dituztela eskuragarri.
Eskaria ondo egin dutenek mezu elektroniko bat jaso dutela oroitarazi dute, eta zapia eskuratzeko ordainketaren ziurtagiria aurkeztu beharko dute. Entseguen aurretik egingo dute banaketa.
