Txotxongiloak izango dira nagusi Girabiraren hurrengo hitzorduan
Ostiralean (hilak 29) izango da Girabira programaren hurrengo saioa. Txotxongilo tailerrak eta antzerkia izango dira Alai Txoko parkean.
Irungo Udalak eta Txikis del Bidasoa elkarteak familientzat antolatzen duen programa da Girabira, eta haren hamaikagarren edizioko bigarren saioan txotxongiloak izango dira nagusi. Ostiralean, hilak 29, izango da hurrengo hitzrodua Alai Txoko parkean, eta hala nahi duenak bertaratzeko aukera izango du 17:00etatik 20:00etara.
Tailerrak 17:00etatik 19:00etara izango dira, eta Aitor Espie eta Jon Saenz izango dira hitzroduen gidari. Ikastaro horietaran bertaratzeko ez da izenik eman behar, baina adingabeek heldu batekin joan beharko dute.
Tailerrak amaituta, antzerkien txanda izango da 20:00 bitartean. Ostomila Txotxongilo Taldea konpainiak Alaia galtzagorria obra egingo du; aurreratu dutenez, ikus entzuleak “Euskal Herriko izaki mitologikoen eta tradizioen mundu magikoan” murgilduko dituzte.
Hitzorduen antolatzaileek mantak eta toallak eramatera deitu dituzte familiak.
Datozen hitzorduak:
- Girabira Dantza
- Irailak 27, 17:30, Antzaran parkea (Pinudi).
- Girabira Txikimusika
- Urriak 12, 12:30, Mendibil parkea.
