Irungo Udalak 18,5 milioi euro eskuratu ditu zenbait proiektu garatzeko
13,5 milioi euro Next Generation EU funtsetatik eskuratu dituzte; beste bost milioi euroak Eusko Jaurlaritzatik jaso ditu.
Irungo Udalak 18,5 milioi euro eskuratu ditu hirian “proiektu estrategiko” batzuk garatzeko. Proiektu horien artean daude, besteak beste, mugikortasun jasangarriaren eta transformazio digitalaren esparruko proiektuak, gizarteratzea sustatzeko proiektuak edota ekonomia suspertzeko proiektuak. 18,5 milioi euro horietatik 13,5 milioi Next Generation EU funtsetatik eskuratu dituzte; alabaina, gainerako bost milioiak Eusko Jaurlaritzatik jaso dituzte. Cristina Laborda Irungo alkateak azken lau urteotan jasotako laguntza ekonomikoen balantzea egin du berriki, eta hitzartze horretan nabarmendu ditu Aduana zenaren eraikina zaharberritzeko proiektua zein Irun Commerce Lab-en sorrera. “Hirian sustatzen eta garatzen ari ginen proiektuei bultzada bat eman ahal izan diegu”, zehaztu du agerraldian.
Mugikortasunaren eta jasangarritasunaren esparruan, hiri barruko garraioa modernizatzeko eta isuri gutxiko eremuak sortzeko jarduketak zein irisgarritasuna hobetzeko berrurbanizazio lanak azpimarratu dituzte; horietarako 5,4 milioi euro bideratu dituzte. Horretaz gain, MOVES II ibilgalu elektrikoak erosteko eta energia berriztagarriak darabiltzaten autokontsumo instalazioak sustatzeko prrograma ere izan zuten hizpide agerraldian; baita Irunbusen linea guztieen elektrifikazioa, 5. linearen sorrera eta autobusen modernizazio eta digitalizazioa ere. Hots, San Juan plazaren inguruko kaleak, Ermita inguruakoak edota Santa Elenakoak berrurrbanizatzeko asmoak plazaratzeaz gain, Gaztainondo kaleko igogailua ere aipatu zuten.
Kulturaren eta ondarearen esparruan, besteak beste, Oiasso museoko terma erromatar berriak eta museoaren eskaintza osatzeko elementu interaktibo eta teknologikoak finantzatu dituzte. Era berean, aipatu zuten Irugurrutzetako labeen birgaikuntza, Urdanibiako ospitalearen birgaikuntza, CBA liburutegiko funtsen berrikuntza edota Sonia Etxezarreta mahai teniseko teknifikazio zentroaren erreforma.
Transformazio digitalaren eta administrazioaren modernizazioaren esparruan, Irun 4.0 proiekturako 234.000 euro bainho gehiago bideratu dituztela zehaztu zuten, baita Irun Market plataformaren bidez hiriko merkataritza digitalizatzeko ekimenak sustatu ere.
Ildo beretik jarraituz, enpleguaren eta kohesio sozialaren esparruan, azaldu zuten Lehen esperientziak programarako milioi erdi euro baino gehiago bideratu dutela sektore publikoak gazteak kontratatzeko eta “bizitzeko gutxieneko dirru sarrerak eta diru sarrerak bermatzeko errenta kobratzen dutenak gizarteratu eta laneratzeko ibilbideak sortu” direla ere zehaztu zuten.
Azkenik, zona komertzialak eta merkatuak modernizatzeko eta biziberritzeko 1,6 milioi euro baino gehiago bideratu dituztela zehaztu zuten; horien adierazgarritzat jarri zuten Poxpologile kalearen berrurbanizazioa.
Eusko Jaurlaritzak Irungo Udalari emandako bost milioi euro horieekin Aduana zenaren eraikina zaharberrituko dute.
