Igandean ospatuko dituzte San Ramon jaiak
Trikuharri elkarteak eta San Juan auzo elkarteak antolatu dute egun osoko egitaraua. Irungo Karrika Nagusian izango da jaia.
Igandean (hilak 31) ospatuko dituzte Irunen San Ramon jaiak. Karrika Nagusian izango da festa, eta egun osoko egitaraua antolatu dute Trikuharri elkarteak eta San Juan auzo elkarteak egun horretarako. 9:00etan hasiko dute eguna dianarekin, eta meza izango dute ondoren. Santuaren jeitsiera eta kantu emanaldiaz gozatzeko aukera izango dute gero bizilagunek, baita salda dastaketaz eta Peña Poteo Txarangaz ere.
Ekintza horiek izango dira nagusi egunaren hasieran, eta arratsaldeko zazpietan izango da sona duen espartina jaurtiketa. Hamalau urte artekoen espartina jaurtiketa zazpietan izango da, eta ordu erdi beranduago, zazpi eta erdietan, hamabost urtetik gorakoen txanda izango da. Haatik, ekintza horietan parte hartzeko izen ematea 18:15etik 18:45era izango da. Kale Nagusiko 15. zenbakian eman beharko da izena, eta euro bat ordaindu behar da buruko.
San Ramon jaia
- 9:00. Diana. Peña Poteo Txaranga.
- 11:00. Meza. Siervas de Jesus kaperan.
- 11:45. Santuaren jeitsiera. Peña Poteo Txaranga.
- 12:15. Kantu emanaldia. Atzokoak abesbatza.
- 12:30. Salda dastaketa. Alde Zaharra – San Juan auzo elkartea.
- 18:00 – 20:00. Musika. Peña Poteo Txaranga.
- 18:15 – 18:45. Espartina jaurtiketarako izen ematea (1€). Kale Nagusia, 15.
- 18:30. Umeentzako ekintzak. Trikuharri elkartea.
- 19:00. 14 urte artekoen espartina jaurtiketa. Alde Zaharra – San Juan auzo elkartea, Trikuharri elkartea.
- 19:30. 15 urtetik gorakoen espartina jaurtiketa. Alde Zaharra – San Juan auzo elkartea, Trikuharri elkartea.
- 20:20 – 23:55. Dantzaldia. Onddar 2 events.
- 23:55. Jai amaiera. Ohiko jeitsiera eta abestia.
