Igandean itxiko dute jaietan kanpoko barra jartzeko eskaera epea
Barrak hilaren 30etik irailaren 11ra bitarte erabili ahal izango dira. Ez da epez kanpo aurkeztutako eskaerarik onartuko.
Laster helduko diren Jai Nagusietan kanpoaldeko barra bat jarri nahi duten ostalaritzako negozioak adi egon daitezela, igande honetan (hilak 24) itxiko baitute barra bat jartzeko eskaria aurkezteko epea. Erregistro elektronikoaren bidez eman beharko da izena, eta bertan Eskabide Orro Orokorra bete beharko da, barraren kokalekua eta iraupena zehaztuz. Eskari orri horrekin batera inguruaren plano bat ere aurkeztu beharko da, zeinetan barra irudikatuta egon beharko duen, dimentsio orokorrak adieraziz.
Barra horiek hilaren 30etik irailaren 11ra bitarte erabili ahal izango dira.
Udalak ez du epez kanpo sartzen den eskaerarik onartuko.
