Kaleko Margo Lehiaketaren 31. ekitaldia, arrakastatsua
40 artistak parte hartu dute aurtengo edizioan. Egun batez, erakusketa erraldoi bilakatu dute alde zaharra eta San Pedro kalea.
Hondarribiko alde zaharra eta San Pedro kalea erakusketa erraldoi bilakatu da asteburu honetan. Emeki elkarteak antolatuta, Kaleko Margo Lehiaketaren 31. ekitaldia jokatu baitute 40 artistak. Maider Goikoetxea margolari eta arte hezitzailea, Mariajo Noain artearen historialaria eta antropologoa, Rakel Salinas artean lizentziatua eta arte hezitzailea, Sara Otaño margolari inpresionista eta Javier Sagarzazu margolari beteranoa arduratu dira lanak baloratzeaz eta aitortu dute haientzat ez da erraza izan irabazleak aukeratzea, ohikoa baino denbora gehiago behar izan baitute aurten erabakia hartzeko.
Emaitzei erreparatuta, Javier Igoa Alzuagaray lesakarra gailendu da aurtengo edizioan. 1.000 euro eta Done Pedro Arrantzale Kofradiako produktuen saskia jaso zuen opari gisa. Bigarren postuan Burladako Daniel Menendez Isturiz burlatarra sailkatu da eta honek 700 euro eta saski bera jaso zuen atzo. Hirugarren lan onena Federico Plesencia Chaconek egin du aurten, 500 euro eta saskia jaso zuen atzoko sari banaketan. Hiru irabazleez gain, Leioako Piedad Santamaria Pascuali eman zioten aurtengo accesita. Enmarkazio bat eta saskia eman zioten oroigarri.
