1936an Pikoketan fusilatutakoak gogoratu ditu udalak
Blaiako udalerrian izan dira talde guztietako ordezkariak. Lore eskaintza eta minutu bateko isilunea egin dute fusilatutako 20 lagunen omenez.
Gaur 89 urte bete dira tropa kolpistek Pikoketan hogei lagun hil zituztenetik, eta urtero bezala, omenaldi berezia egin diete haiei. Gertakari horien 89. urteurrenean Blaiako hilerrian bildu dira zenbait herritar eta Irungo ordezkari politikoak, talde guztiak izan dira bertan. Lore eskaintza bat egin dute fusilatuen gorpuak lurperatuta dauden panteoian, eta minutu bateko isilunea egin dute.
Honako izenak daude egun Irungo hilerrian, guztiak gogoratu dituzte gaurko ekitaldian: Mertxe Lopez Cotarelo (16 urte), Pilar Valles Vicuña (18 urte), Jose Maria Arruti Idiakez (18 urte), Victor Genua Montiano (25 urte), Jesus Lopez Casado (26 urte), Agapito Dominguez Taguada (23 urte), Miguel Jacinto Lopez Pascual (49 urte), Vicente Argote (46 urte), Agustin Miguel Bermejo (39 urte), Felix Luz Etxeberria (27 urte), Angel Braña Lopez (27 urte), Miguel Lorenzo Pascual (35 urte) eta eta Txato (25 urte).
