Xantalen ermitak ateak irekiko ditu
Hilaren 17rako Xantalen ermitaren ate irekiak antolatu ditu Oiasso Museoak. Bezperan ere irekia egongo ermita, Alde Zaharra San Juan auzo elkartuak meza egiteko eskatu baitu.
Xantalen egunaren harira, Xantalen ermitaren ate irekiak antolatu ditu Oiasso Museoak. “Santa Elena Konstantino lehen enperadore kristauaren ama izan zen eta tradizioz arkeologiaren zaindaritzat hartzen dela” azaldu ondoren, 2.000 urteko historia duen ermitarako bisitan parte hartzeko gonbidapena egin du museoak.
Hilaren 17an 10:00etatik 20:00etara egongo da irekia, eta edukiera bete arteko doako sarrera egongo da.
Gainera, bezperan ere irekia egongo da ermita. Izan ere, Alde Zaharra San Juan auzo elkartean meza bat egiteko eskatu du; hortaz, 10:00etatik 14:00etara irekiko dute. 11:00etan izango da meza.
