Asteburua, estropadaz gainezka
Liga guztietako bina estropada izango dira jokoan. Udako astebururik pilatuena izango da lehiei dagokienean.
Pasaiako badiak jasoko ditu bihar (larunbata) Euskotren eta Eusko Label ligetako estropadak. Arraunaren zaleek gozatzeko moduko asteburua izango dute. Liga guztietako bina estropada jokatuko dira larunbata eta igande artean, beraz, hamar lehia izango dira. Horietatik bi hurbil izango dira, San Juan-Koxtape Arraun Elkarteak Eusko Label eta Euskotrenekoak antolatuko dituelako larunbatean, lehenik emakumeen liga gorenekoa (17:20), eta ondoren gizonen Eusko Labelekoa (18:15). Azken horretan etxeko trainerua, Erreka, izango da protagonistetakoa behin mailarik gorenera itzulita.
Jarraian, asteburuko estropada guztien zerrenda egunaren eta hasiera orduaren arabera antolatua.
Bihar (hilak 19, larunbata)
- 11:00etan, KAE2 Ligako Orioko Bandera. Oarso Bidasoko partaidea: Hibaika.
- 11:15ean, ETE Ligako Hernaniko Bandera (Orion). Oarso Bidasoko partaidea: San Juan.
- 12:00etan, KAE1 Ligako Zarauzko Bandera. Oarso Bidasoko partaideak: Hondarribia B eta San Pedro.
- 17:20an, Euskotren Ligako Gertu Eraikuntzak Bandera Donibanen. Oarso Bidasoko partaideak: Hondarribia eta Hibaika.
- 18:15ean, Eusko Label Ligako CMO Valves Bandera Donibanen. Oarso Bidasoko partaideak: Hondarribia eta San Juan.
Etzi (hilak 20, igandea)
- 11:25ean, Euskotren Ligako Orioko Bandera. Oarso Bidasoko partaideak: Hondarribia eta Hibaika.
- 11:30ean, ETE Ligako Portugaleteko Bandera. Oarso Bidasoko partaidea: San Juan.
- 12:00etan, KAE2 Ligako Portugaleteko Bandera. Oarso Bidasoko partaidea: Hibaika.
- 12:00etan, KAE1 Ligako Gorlizko Bandera. Oarso Bidasoko partaideak: Hondarribia B eta San Pedro.
- 12:20an, Eusko Label Ligako Orioko Bandera. Oarso Bidasoko partaideak: Hondarribia eta San Juan.
