Nagore Laffage omenduko dute Irunen hilaren 7an
Irungo Emakumeen Etxearen kanpoaldean izango da, 19:00etan. Asun Casasola bertan izango da.

Hamazazpi urte beteko dira Nagore Laffage Casasola hil zuenetik Jose Diego Yllanesek eta omenaldia egingo diote bere jaioterri Irunen hurrengo hilaren 7an. Irungo Emakumeen Etxea elkarteak Irungo Udalarekin batera antolatutako ekitaldia izango da, emakumeen etxearen atarian (Istillaga plaza).
Omenaldia 19:00etan hasiko da eta agintariek eta Irungo Emakumeen Etxea elkarteko kideek hartuko dute hitza. Jarraian, Esther Barandiaran piano joleak Aita Donostiaren Oinazez abestia interpretatuko du. Jarraian, Asun Casasola Ipuin Lehiaketako hautatutako ipuin batzuk irakurriko dituzte. Koro Feministak Ez beti da ez kantua abestuko du ondoren. Azkenik, Asun Casasolak agerraldia egingo du.
Iruñeko omenaldia
Lunes Lilak omenaldia egin ziin Laffageri pasa den uztailaren 1ean, urtero lez. Indarkeria matxistaren biolentziaz kontzientzia lantzeko bidean, beste urrats bat egin du taldeak eta Kai Etxaniz eta Aurora Beltran abeslariek kantu bat sortu diote Pongamos que esta vez izenekoa. Laster zabalduko dute haien sareetan.