'Piano baten inguruan batzen gaituena' emanaldia, bihar Itsas Etxean
Jakes Txapartegik, Iñaki Salvadorrek eta Esther Barandiaranek kontzertu berezia eskainiko dute. Entzuleak musikaren eta beren historien parte egingo dituzte.
Jakes Txapartegik, Iñaki Salvadorrek eta Esther Barandiaranek kontzertu berezia eskainiko dute bihar Itsas Etxean. Piano baten inguruan batzen gaituena izenburupean, entzuleak musikaren eta beren historia pertsonaen parte egingo dituzte, musika eta kontakizuna uztartuz.
Jakes Txapartegi 15 urteko pianista hondarribiar gaztea da. Esther Barandiaranen tutoretzapean hasi zen pianoa jotzen eta hasieratik erlazio berezia sortu zutela azaldu dute bihar eskainiko duten kontzertuaren dossierrean: “Erlazio erraz eta naturala sortu genuen hasieratik, bidai lagun gara”.
Txapartegi esperientziadun musikaria da dagoeneko, eta hainbat eszenatokitan aritutakoa da. Behin Iñaki Salvadorren deia jaso eta elkarrekin aritu dira zenbaitetan.
Bihar arratsaldean Itsas Etxeko eszenatokian elkartuko dira hirurak, 19:00etan Itsas Etxean. Ikusleen eta musikarien artean lotura berezia sustatzea izango dute helburu, pianoak batzen dituena azaleraziz.
