300 jokalari bilduko dira Txingudi Badia errugbi topaketara
Hilaren 26an egingo dute eskolartekoen topaketaren hirugarren ekitaldia Txingudi Rugby Klubak antolatuta.
Iazko topaketaren irudi bat.Gari Mendizabal 300 jokalari bilduko dira Txingudi Rugby Klubak antolatutako Biok Experimental Shopping Txingudi Badia errugbi topaketan. Eskolartekoei begirakoa da topaketa ghori eta hilaren 26an, larunbatarekin egingo dute hirugarren urtez. 10 eta 12 urtez azpiko jokalariek, eta lehen aldiz, 14 urtez azpikoek, hainbat norgehiagoka jokatuko dituzte topaketa horren barruan.
Parte hartuko duten taldeak, honakoak: Txingudi, Baztan, Orereta, Donibane Lohizuneko Saint Jean de Luz Olimpique, Rioja, Sarako Izarra, Senpereko UC, SA Maule, Universitario Bilbao eta Emak Hor Arrangoitze-Basusarri.
Jokatuko duten lehenak, 10 eta 12 urtez azpikoak izango dira, 10:30etik 13:00etara, eta hirugarren denbora disfrutatzen ari diren bitartean, 14 urtez azpikoak ariko dira, 14:30etik 17:00etara.
Txapleketaren helburua ondo pasatzea dela eta horrenbestez, lehiakorra ez dela izango azaldu dute antolatzaileek: “Parte hartzaile guztiek domina eta Artiach eta Aneto babesleek emandako produktuak jasoko dituzte, eta gainera, errugbiaren balioekiko aparteko jarrera erakusten duten jokalariek sari berezia jasoko dute”.
Txingudi Rugby taldeak bere materiala salgai izango du partidak jokatu bitartean Plaiaundiko taberna inguruan, eta goizean zehar, Oiasso txarangak musikatuko du ekitaldia. Txapelketa, denboraldiko topaketarik garrantzitsuena bihurtzen ari dela jarri dute nabarmen antoaltzaileek, “aurten talde barriak etorriko dira gurera errugbiaz gozatzera eta oso pozik gaude horrekin”.
