Frank Goldwasser Blues Band eta Bluehatek joko dute Kabigorrin
Hurrengo asteburuan izango dira bi kontzertuak Irungo Kabigorri ateneoan. Frank Goldwasser Blues Bandek hilaren 11n joko du; Bluehatek, ordea, hilaren 12an.
Paris Slim moduan da ezaguna Frank Goldwasser paristarra. 1985ean Blues for Esther izeneko lehen albuma aurkeztu zuen. Gitarra eta ahotsa egiten dituen Goldwasserrekin batera, Iker Piris gitarra jole eta Andy Martin bateria joleak osatzen dute taldea. Hilaren 11n Kabigorrin emango dute kontzertua, 20:00etatik aurrera.
Frank Goldwasser Blues Banden biharamunean, Bluehaten kontzertua egongo da ikusgai. 2024an sortu zen musika taldea, “ustekabean, jatorri eta musika gustu desberdinetako jendearen artean”. Taldekideek beste talde batzuetan jo izan dute Bluehat osatu aurretik, eta nazioarteko jaialdi garrantzitsuetan parte hartu dute. Antonio Asensiok gitarra eta ahotsa egiten ditu, Dafnis Linaresek baxua eta korouak, eta azkenik, Xabier Dolsek bateria eta koruak. Hilaren 12an 19:30tik aurrera joko dute Kabugorrin
