41. Eliz Musika Zikloa larunbatean hasiko da
Leipizg-eko Amacord ensemble taldeak zabalduko du 41. Eliz Musika Zikloa. Itxiera, berriz, Hondarribiko Xatz eskifaiaren esku izango da.

Iaz Eliz Musika Zikloaren 40. urteurrena izan zen, eta data borobil horren harira edizio berezia antolatu zuten. Urtebeteren ondoren, atzean geratuko ez den edizio berri bat aurkeztu dute: 41. Eliz Musika Zikloa. Kontzertu guztiak iluntzeko 20:00etan hasiko dira, Alde Zaharreko Parrokian.
Apirilaren 5ean hasi eta apirilaren 13an bukatuko da, eta urtero bezala lau hitzordu izango ditu:
Apirilaren 5ean Amacord ensemble Leipizg-eko (Alemania) gizonen ahots koruak zabalduko du Hondarribiko Eskifaia Abesbatzak antolatzen duen Eliz Musika Zikloa. Hurrengo egunean Eskifaia Abesbatzaren txanda izango da. Handik astebetera (apirilaren 12an) erdi aroko musika egiten duen Egeria taldeak eskainiko du kontzertua. Eta apirilaren 13an, Cor de dones de l’emm can ponsic eta Hondarribiko Xatz eskifaiak itxiko dute zikloa.