Ababor azokara 4.000 pertsonatik gora gerturatu dira
Hurrengo edizioa 2027an egingo da eta aurten parte hartu dutenen %90ek baieztatu dute bertan egongo direla.
Hirugarren urtez burutu da Ababor euskal bienal nautikoa eta arrakastarako zenbakiekin itxi dute edizioa: 4.000 pertsona baino gehiago gerturatu dira eta gerturatu direnen %81 “pozik” edo “oso pozik” itzuli da etxera. “Itsas zaletuentzako gune garrantzitsu bihurtu da”, adierazi dute antolatzaileek.
Ficobak ekitaldiaren “mugaz gaindiko izaera” nabarmendu nahi izan du. Izan ere, Ipar Euskal Herrikoa izan da bisitarien %20a; gipuzkoarrak, berriz, %69 izan dira. Parte hartzaileei dagokienez, Donostialdekoak %38,65 izan dira eta Bidasokoak %37,26.
Bestalde, bisitarien %75ek itsasoarekin lotutako kirol bat praktikatzen dute: %39k motor nabigazioa, %31k arrantza eta %30ek bela.
Publiko orokorrari irekita dagoen azoka den arren, nitxo bilakatu da Ababor. Antolatzaileen esanetan, azoka hau egokitu egin dute itsasoarekin zerikusia duten jarduerak praktikatzen dituzten pertsonei edota mundu horretan hasteko asmoa dutenei. Bide horretan, proposamenen aniztasuna eta jarduera paraleloen proposamena “positiboki” baloratu dute bisitariek: %81 azokarekin pozik egon dira eta %97k 2027ko edizioan parte hartzeko asmoa erakutsi du.
Erakusmahai asko egon dira eta horiek proposamen komertzialarekin lotura zuzena daukate. Azoka bukatutako galdetegian, bertaratutakoen %64,1ek esan dute erakusmahai enpresekin harremanetan jarraitu nahi dutela. Iritzi honek azokaren “osagai komertzialaren garrantzia” balioan jarri dutela nabarmendu dute.
Jarduerak ere egin dira azokan eta horiek eskaintza azpimarran jarri dute antolatzaileek. Edizio honetan konferentzien zikloan parte hartzaile asko egon dira eta eduki nagusia hiru alderditan berezi dute: salbamendu, ondare eta abentura. Hitzaldia “oso positiboki” baloratu ditu publikoak eta arreta handiarekin jarraitu dutela azaldu dute.
