'Zurekin Irun' aldizkaria sortu du EAJk
Aldizkariaren lehen alea argitaratu dute jada eta hiriaren bueltako albisteak jaso dituzte.
Hiriko eta Gipuzkoako informazioa gerturatzeko asmoz, Irungo EAJk Zurekin Irun aldizkaria sortu du. Gipuzkoako beste hainbat udalerritan ere martxan duten euskarria da eta Irunen kasuan, lehen aldiz argitaratu dute. Guztira 26.000 ale banatu dituzte eta zortzi orri ditu, gaztelaniaz eta euskaraz.
Ale honetan nabarmendu nahi izan dutena da EAJk eta PSE-EEren udal gobernu akordioa. Gobernu berri honen xehetasunak jakinarazi dituzte, baita balorazioa egin ere. Udal ordezkari jeltzaleen aurkezpena ere topa daiteke bertan.
Azkenik, 2025eko aurrekontua, eta otsaileko ezohiko osoko bilkurara eramango dituzten eta 2025ean gauzatzea asmo duten proiektuak aurkeztuko dituzte. Eusko Jaurlaritzak Irunen egiteko asmo duten bi proiektu handiri buruzko informazioa eman du Irungo EAJk.
