Irun Ekintzan sariak hilaren 6an banatuko dituzte
Hamargarren edizio izango da eta ohorezko saria Alcon enpresak jasoko du. Sarrerak eskuratu behar dira bertaratu ahal izateko.
2024ko sari banaketa. Irun Ekintzan Berrikuntzako sariak emateko ekitaldia hilaren 6an egingo da Ficoban, 18:30ean. Aurtengoa hamargarren edizioa izango da eta helburua enpresaren esparru guztietan eta hiriko jarduera sektore ekonomiko guztietan, kultura berritzailea sustatzea eta hiriko enpresa ehuna modernizatzea da.
Enpresa txiki eta ertainen talentua “ikusarazi” eta “saritu” nahi dituztela azaldu du Nuria Alzaga Hiri Bultzadako eta Ekonomiaren Sustatzerako ordezkariak. “Izugarri gustatzen zaigu ikustea tokiko enpresa bat hazten ari dela eta lehiakorra dela [Espainiako] estatu mailan edo nazioartean, bertako sustraiei eusteko gauza den bitartean”, adierazi du.
Sariak nori emango dizkioten iragarri du gaur udalak. Hala, Berrikuntzako Irun Ekintzan ohorezko saria Algon Estructuras Metalicas Para Muebles enpresari emango diote. Bestalde, sari berdina baina 20 langiletik gorako enpresei begirakoa Algon Estructuras Metalicas Para Muebles enpresak eramango du ere.
Algon enpresari buruz udalak adierazi du 1952an sortu zenetik merkatuaren aldaketei erantzuteko “gauza” izan direla, baita produktuen kalitatea bermatzeko eta ingurumena zaintzeko ere. Udalaren arabera, berrikuntzaren abangoardian mantendu den enpresa da Algon. Bestalde, Irun Ekintzan Garapen Ekonomiko eta Enpleguaren akordioarekin lagundu dute hasieratik eta honen bultzatzaileak izan dira ere.
Epaimahaia honako hauek osatu dute: Amaia Fernandez, BIC Gipuzkoako proiektuen zuzendariak; Jose Antonio Rodrgiguez, ADEGIko Ekintzailetza Foroko arduradunak; Uribarri Goikuria, Innobasqueko proiektuen arduradunak; Elisabet Aizpurua de Miguel, Deusto Business School gradu profesionalen zuzendariak; Lander Beloki, Mondragon Unibertsitateko Enpresa Zientzien Fakultateko dekanoak; eta Ana Beraza, EHUko Gipuzkoako Campuseko Ekonomia eta Enpresa Fakultateko dekanorde koordinatzaileak.
Ekitaldira joan nahi duenak ez du ordaindu beharrik baina izena eman behar du aldez aurretik. Horretarkao 943 505 338 telefonora deitu edo mezu bat bidali behar da helbide honetara.
