Itsasoko abenturak protagonista 'Zure abenturaren bila' programan
'Itsas zaintzaren abentura' izena du 'Zure abenturaren bila' programaren bederatzigarren atalak. Hilaren 6an emango dute Irungo Amaia KZko hitzaldi aretoan.
Itsasoa izango da Zure abenturaren bila programako hurrengo ataleko izarra. Izan ere, “bizitza ez da posible itsasorik gabe”, baina, klima aldaketagatik muturreko egoerara iristen ari da itsasoa. Kutsadurak eragindako “kolapsoa” du aipagai Izaskun Suberbiola bidaiariak Itsas zaintzaren abentura ikus-entzunezkoan.
Etzi, hilaren 6an, proiektatuko dute bederatzigarren atala Amaia KZko hitzaldi aretoan, 19:30tik aurrera. 60 minutu inguru iraungo ditu emanaldiak, eta euskaraz izango da. Proiekzioaren ondotik Suberbiola bidaiariarekin solasaldirako aukera egongo da. Sarrera doakoa izango da eta aretoa bete arte sartzen ahalko da.
Zure abenturaren bila
Bidaiei buruzko programa da Zure abenturaren bila. Bertako gonbidatuek haien bidaiatzeko zaletasuna azaltzen dute, “beren bizipen eta esperiantziak” azalduz. Esperientzia oso ezberdinak aurkeztu izan dira programan, izan “Antartikara egindako espedizioak, planetako mendirik garaienetara eta zailenetara egindakoak eta askoz ere leku hurbilagoetan egindako irteerak”.
