Sasoiko lehen traineru jaitsieran aritu dira Hondarribiko Senior Gizonak
Portugaleten izan da urteko lehen traineru jaitsiera eta hamabigarren sailkatu da Gonzalo Carrionek entrenatzen duen eskifaia.
Hondarribikoak atzo jaitsieran. Arkaitz Buron Urteko lehen traineru jaitsiera jokatu zuten atzo Portugaleten eta Oarsoaldeko eta Bidasoko bi ontzi aritu ziren bertan gizon seniorretan, Hibaika eta Hondarribia. Gizon Seniorren kategorian lehiatu ziren 20 ontziren artean hamabigarren sailkatu zen Gonzalo Carrionek gidatutako taldea.
Erlojupekoa 12:00etan hasi zen, eta Beteranoak izan ziren lehenak. Haien atzetik emakumeak, eta gazteak atera ziren ondoren; hiru kategorietakoek 4.000 metro egin behar izan zituzten. Azkenak ateratzen, senior gizonak, haiek 5.500 metro egin zituzten. Irabazlea azken kategoria horretan, Zierbena A izan zen, 18:05,41 denbora eginda. Hondarribiak 18:50,49 denbora egin zuen.
Hurrengo hitzordua hilaren 15ean izango dute Orio arraunketa Taldeak antolatutako Oriaren traineru jaitsieran. Arratsaldez izango da, 16:00etan hasita jaitsiera hori, eta oraindik zehaztu gabe dago parte hartzea zenbatekoa izango den, izen-ematea zabalik baitago hilaren 9ra arte. Iaz, 87 ontzik hartu zuten parte Orioko traineru jaitsieran.
Sailkapena hemen klik eginda kontsulta daiteke.
