TAO txartelak urtarrilean berritu behar dira
Urtarrilean egingo diren txartel berriek balio iraunkorra izango dute. Ordainketa helbideratuta dutenei urtarrilaren 31n egingo diete kargua.
Hondarribian, ibilgailuen jabeek urtarrilean berritu beharko dituzte TAO txartelak. Horretarako kanpaina abiatuko du udalak. Badu berezitasun bat kanpaina horrek: urtarrilean egindako horiek balio iraunkorra izango dute, hau da, ez dira urtetik urtera berritu beharko baldin eta ezarritako baldintzak berberak izaten jarraitzen badute. Hau da, automatikoki berrituko dira. Beste ohar inportantea; 2024ko TAOaren txartelak, 2025eko apirilaren 1ean iraungiko dira, hortik aurrera ez dute baliorik izanen.
Ordainketa helbideratuta dutenei automatikoki berrituko diete egoiliar txartela, eta beraz, dagokien kontu korrontetik tasa kenduko diete. Urtarrilaren 31n egingo da kargua. Ordainketa helbideratuta ez dutenek, berriz, dagokien ordainketa-gutuna jasoko dute etxean, ordainketaren zenbatekoa eta hori egiteko bankuak zehaztuz; azken horiek urtarrilaren 25era arteko epea dute, hala nahiko balute, TAOren ordainketa helbideratzeko.
Baten batek aldaketaren bat egin, edo bestelako informazioa beharko balu, udalarekin harremana egin behar du.
- Telefonoz: 943 11 12 44 edo 943 11 12 46 zenbakietara deituz.
- Posta elektronikoz: udalaren posta helbidera idatziz.
- BAZ bulegora joanda (hilaren 31 baino lehen).
