'Go!azen 11.0', bitan Itsas Etxean
ETB1eko telesailaren ikuskizun musikala urtarrilaren 3an jasoko du Itsas Etxeak, bi emanaldirekin: 17:00etan lehena, eta 19:00etan bigarrena.
'Go!azen'-eko aktoreen taldea. Argazkia: Eitb. ETB1eko Go!azen telesailaren musikala berriz ere Hondarribira iritsiko da, bitan gainera. Izan ere, Itsas Etxea auditorioak urtarrilaren 3ko (ostirala) 17:00etan eta 19:00etan bi emanaldi jasoko ditu: Goa!zen 11.0 ikuskizuna da ikusi ahalko dena.
Sarreren banaketarako hondarribiarrei eman diete lehentasuna. Zentzu horretan, sarrera horiek erosteko lehen aukera presentziala izango da: hilaren 21 eta 22an (larunbatean eta igandean) eros daitezke tiketak Arma Plaza kultur eta informazio bulegoan: larunbatean 10:00etatik 18:00etara, eta igandean 10:00etatik 14:00ak arte. Bi egun horietan sarrera guztiak salduko ez balira, Kutxabanken sarreren salmenta zerbitzuaren bidez lor daitezke soberan izango liratekeen horiek.
Sarreren prezioak, honakoak: 18 urtez azpikoenak, 5 euro; 18 urte baino gehiago dituztenenak, 10 euro. Bi urtetik beherakoek doan dute sarrera.
