2025ko Aurrekontuen bozketan PSE-EEk abstentziora joko du
Aurrekontua egiteko modua "ez bermatzailea, ezta gardena ere" izan dela iritzita abstentziora joko dute eta alkateari "jarrera aldaketa" eskatu diote.
Hondarribiko Udal Gobernu Taldeak atzo egin zuen 2025ko Aurrekontuen aurkezpena. Ostegunean osoko bilkuran aurkeztuko dituzte, eta horiek onartu ala ez erabakitzeko bozkaketa egingo dute. Aurkezpenaren biharamunean Hondarribiko PSE-EEk abstenitu egingo dela jakinarazi du, aurrekontua egiteko modua “ez bermatzailea, ezta gardena ere” izan dela iritzita.
Gobernu taldeak egindako proposamenean hirigintza aprobetxamenduetatik 4,5 milioi euroko diru sarrera jasotzeko aurreikuspena jaso dute, eta sozialistek ohartarazi dutenez, iaz 500.000 euro jasotzeko aurreikuspena egin zuten. “Azaroak 178.108 baino ez dira bildu” esan dute.
Aurrekari horiekin alkateak atzo aurkeztutako diru sarrera hori aurkeztea “ulertezina” dela esan dute. Are, “Antolamendu Plan Orokorra onartu gabe dagoenean. HAPOrik gabe alkateak planteaturiko egitasmoak aurrera eramatea oso zaila da”. Sozialistentzat prozedura hori “ez da bermatzailea, ezta gardena ere” eta alkateari “jarrera aldaketa” eskatu diote.
Alderdi Sozialistarentzat, gainera zenbait gai “oso kezkagarriak” dira. Kiroldegiaren kasuan, 300.000 euroko defizita duela gogorarazi dute, eta familiei laguntzeko eta laguntza energetikoa emateko gizarte zerbitzuetan %50eko murrizketa egin dela nabarmendu eta alokairu laguntzen inguruko aipamenik ere egin ez izana deitoratu dute.
Beren aldetik 3.751.552 euroko zuzenketak aurkeztu zituzten, hiri mugikortasunari, etxebizitzari, merkataritzako laguntzei edo gizarte laguntzei erreferentzia egiten ziotenak. Hauek dira sozialistek aurkeztutako zuzenketak:
Etxebizitza-proiektuak:
- Muliaten eta Damarrin bi proiektu garatzea, Damarrin bi mailako aparkalekua barne (200,000 euro).
- Udal-kontrola duen etxebizitza-enpresa publiko bat sortzea, etxebizitzak eskuratzea errazteko eta berroneratzeko laguntzei eta alokairuei buruzko informazioa eskaintzeko (100,000 euro).
- Musika Eskola: Musika Eskola udal proiektu gisa sendotzea eta aurreko lanei berriro ekitea udal musika eskola bat sortzeko (100,000 euro).
- Memoriaren lekua: Hildako Hondarribiko biktimen omenezko memoriala ezartzea, 6,000 euroko inbertsioarekin.
- Muliateko Gizarte Etxea: Muliaten biltzeko gune bat, liburutegia eta ludoteka sortzea, aldez aurretik herritarrei galdetuz (18,150 euro).
- Gizarte Laguntzak: Familientzako laguntzak eta laguntza energetikoak areagotzea. 100,000 euro proposatu dituzte familientzat eta 75,000 euro laguntza energetikoentzat.
