'Ziklo-alpinismoa Bolivian', Amaia KZn
Iñaki Unanue eta Kattalin de Pedro bidaiarien dokumentala proiektatuko dute, Zure Abenturaren Bilaren bosgarren saioan.
Zure Abenturaren Bila programaren bosgarren saioa hilaren 12an (bihar) izango da, Amaia KZko hitzaldi aretoan, eta Iñaki Unanue eta Kattalin de Pedrok Ziklo-alpinismoa Bolivian obra proiektatuko dute. Emanaldia 19:30ean hasiko da eta doakoa da sarrera.
Saio hau euskaraz izango da, eta bizikleta bidezko turismoa eta alpinismoa batzen dituen obra da eskainiko dutena. Ondoren, protagonistekin solasaldi bat egingo dute. Bikoteak egindako bidaian, Boliviako eta Txileko hiru parke nazional zeharkatu zituzten.
Bidean topo egindako hainbat gailur igotzea izan zuten xede, eta horretan alportxetan garraiatutako mendi material eta bota pisutsuak igo dituzte.
