Larrialdietako Udal Plana aktibatu du Irungo Udalak
Euriagatik biharko (igandea) eta astelehenerako Euskalmetek alerta laranja aktibatu du eta horren harira hartu dute erabakia Irungo Udalak eta Udlatzaingoak.
Larrialdeitako plazna aktibatu du udalak bihar eta astelehenerako. Larrialdietako Udal Plana aktibatu dute Irungo Udalak eta Udaltzaingoak Euskalmetek euriteengatik biharko eta astelehenerako aktibatu duen alerta laranjaren harira. Babes zibileko plana, barne kontrolerako orria dela azaldu du udalak, “dokumentu horretan zenbait jarduketa jasotzen dira, herritarrei, udalaren eta larrialdietan diharduten zerbitzuei zuzenduak ezohiko egoera meteorologikoei erantzuteko”.
Alertak gogora ekarri ditu, halaber, udalak. Hala, bihar, abisu laranja aktibatu du Euskalmetek Kantauri isurialdean 12:00etatik 23:59ra euriteengatik. Astelehenean, berriz, arrazoi beragatik 00:00etatik 12:00etara. Bihar (igandea) 12:00etatik asteleheneko 12:00etara Kantauri isurialdean 80 litro metro koadroko pila daitezkeela aurreikusi du.
Horrez gain, haize haizeteei aurre egiteko Euskalmetek emandako gomendioak gogora ekarri ditu udalak: Ez ibilgailurik utzi ez eta kanpin egin ibilgu lehorretan edo ibaien ertzetan. Gerta liteke urak bat-batean gora edo gainezka egitea; Kendu ibilgailuak ur-putzuak sor daitezkeen inguruetatik eta urpetu daitezkeen garajeetatik; Ahal bada, ez hartu autoa; Bidaiatu beharra dutenei, ahal dutela,errepide nagusi eta autobideetatik ibiltzeko gomendatu die, eta ikusi ezinik badabiltza, leku segururen batean gelditzea gomendatu du; Erretiratu urak eramateko moduko gauza guztiak, batez ere, kutsadura eragin dezaketen produktu arriskutsuak; Begiratu inguruko hustubideak ondo dauden; azkenik, mendi irteerak eta kanpoan antolatutako txangoak saihestu.
Hainbat jarduketa
Udaltzaingoak jada hainbat jarduketa egin ditu egunean zehar eta Babes Zibileko operatiboak aktibatu edukiontzi batzuen mugimenduarengatik, loreontzien erorketarengatik, eta eraikin bateko teilatuan izandako arazoengatik. Eraikin horren ingurua hustu eta zigilatu egin du Irungo Udalak momentuz egoera meteorologikoak ez duelako ahalbidetzen arazoa konpontzeko lanak egitea.
