Bidasoko hegazkingintzari buruzko hitzaldi eta bisita
Arma Plaza Fundazioari eta Real Aeroclub San Sebastiani esker Hondarribia airez ikusteko aukera izango da hilaren 16 eta 17an.
Hegazkingintzaren Bidasoaldeko historiaren eta bilakaeraren inguruko hitzaldia eta bisita gidatua eskainiko du Ernesto Goirizelaiak. Hitzaldia hilaren 15ean izango da, Kultur Etxean, arratsaldeko 19:00etan. Saioa gaztelaniaz izango da eta sarrera librea izango du.
Hurrengo bi egunetan Hondarribia airetik ikusteko Real Aeroclub San Sebastian-en eskutik Piper 28PA hegazkin txiki batean 30-40 minutuko hegaldiak eskainiko dituzte, 50 euroren truke. 3 pertsonez osatutako taldeak egingo dituzte horretarako. Bisitak erreserbatzeko jarraibideak hurrengo estekan aurki daitezke.
