Oso fin aritu arren, Txingudi ez da gai izan liderrari aurre egiteko
Partida ikaragarria jokatu badute ere, ez dira gai izan etxean Uni Bilbo C garaitzeko (26-45).
Ez da asteburu onena izan Zaisa Txingudiko mutilentzat, baina maila erakutsi dute beste behin ere. Partida ikaragarria jokatu badute ere, ez dira gai izan etxean Uni Bilbo C garaitzeko (26-45).
Azken partidetan erakutsitako jarrera berberarekin irten ziren zelaira jokalariak. Lehenengo minutuetan nagusi izan zen Txingudi, aukera gutxi eman zizkieten bilbotarrei. Dena den, Bilbokoen erantzuna azkarra izan zen, eta pixkanaka emaitza iraultzea lortu zuten. Fin aritu ziren bi taldeak, baina unean uneko erabakiak eta aukerak aprobetxatu izanak, markagailua desorekatu zuten.
Etxekoek jokoz kanpo egoteagatik egindako hainbat zigor kolpe ere probestu zituzten bilbotarrek, metroak irabazi eta aldea handitzea lortu zuten hiru entsegu eta bi eraldaketa eginez.
Emaitza honek ez du eraginik sailkapenean, Uni Bilbo Ck lidergoan jarraituko baitu eta Zaisa Txingudi azkenekoan. Hurrengo hitzordua, datorren larunbatean (hilak 9), Uribealdea Bre izango dute aurkari bidasoarrek.
