Adimen artifizialari buruzko hitzaldia, Palmera Monteron
'Nola prestatu izugarri eraldatzen ari den mundu' baterako hitzaldia emango dute asteartean (hilak 29), 18:30ean. Ez da sarrerarik behar.
Irungo Udaleko Hiri bultzada arloak jakinarazi du datorren asteartean (hilak 29) adimen artifizialari buruzko Nola prestatu izugarri eraldatzen ari den mundu baterako hitzaldia emango dutela Palmera Monteron, 18:30ean.
Irun Ekintzanek antolatu du ekitaldia, eta hitzaldian adimen artifizialaren gaur egungo egoera eta gizarteko hainbat eremutan nola aplikatzen den azalduko dute adituek.
Honakoak izango dira hitzaldian hitz egingo dutenak:
- Nerea Luis Miguenza. Doktorea eta adimen artifizialeko freelance aholkularia.
- Guillermo Dorronsoro. Zabala Innovation-eko aholkularia eta Deusto Business Schooleko irakaslea.
Biek ezagutzak eta esperientziak partekatuko dituzte adimen artifizialak herritarrei planteatzen dizkien joera, aukera eta erronken inguruan. Hizlarien arteko elkarrizketa bat izango da, saio interaktibo bat, alegia. Ez da sarrerarik behar.
