Itsasgora handiengatik, prebentzio protokoloa aktibatuta
Bidasoa ibaiak gainezka egin dezakeelako aktibatu dute protokoloa, gaurtik hilaren 20ra bitartean.
Itsasgora handiak daude iragarrita gaurtik hilaren 20rako, eta horrek Bidasoa ibaiaren gainezka ekar dezake. Horregatik, prebentzio protokoloa aktibatu dute Udaltzaingoak eta Babes Zibilak Gal Stadiumaren inguruko bidegorrietan, Rekondo fabrika zenaren eremuan eta Behobiako bidegorriaren tarte batzuetan.
Horrez gain, uholde arrisku horiei aurre egiteko hainbat neurri hartu dituzte, eragina ahalik eta txikiena izateko asmoz. Bide horretan, ibaiak gainezka eginez gero, tarte horietako espaloi eta bidegorriak moztuko dituzte, bai oinezkoentzat bai txirrindularientzat ere.
Uholde arriskua dagoen eremuetan arriskuaren berri emateko hesiak eta kartelak jarriko dituzte, eta Juan Thalamas Labandibar kalearen bukaeran ibilgailuak aparkatzea debekatu egin dute. Bestalde, konportak instalatu dituzte Behobian. Halaber, itsasaldien bilakaerari eta beharrezko neurriak hartuko dituzte urak gainezka egiteak eragindako kalteak minimizatzeko.
