Gazte Sozialistek binakako pala txapelketa antolatu dute
Hilaren 19an izango da txapelketa Soroeta fontoian. Lehen eta bigarren sailkatuek sari bana jasoko dute.
Gazte Sozialisten Topagunea hilaren 31etik azaroaren 3ra egingo da Altsasun. Egun horren aurretik, motorrak berotzen joateko binakako pala txapelketa antolatu dute Hondarribian. Hilaren 19an izango da, 16:00etan, Soroetako frontoian. Parte hartzeko mezu zuzen bat bidaltzea nahikoa izango da X sare sozialaren bidez (@BidasoakoIA).
Txapelketan lehenengo zein bigarren postua eskuratzen dutenek, gainera, sari bana jasoko dute. Lehen saria Txantxangorrin bi pertsonentzako afaria izango da, eta bigarren saria bertako produktuen saski bat. Antolatzaileek jakinarazi dutenez frontoian bertan ere jatekoa zein edatekoa eskainiko dute.
Egunean bertan topagunearen inguruko informazioa jarriko dute eskuragarri eta bertaratzeko sarrerak salgai jarriko dituzte.
