Aniztasunaren ekitaldia jasoko du berriro Oiasso Museoak
Hilaren 11n izango da eta aurten Ana Perez omenduko dute, Ezezagunok konpainiaren sortzailea. Sarrerak salgai daude jada.
Arteak mugarik ez duela erakusteko oholtza prestatuko du Oiasso Museoak hilaren 11rako. Izan ere, Aniztasunaren ekitaldia berririo egingo da erromatar museoan, 19:00etan. Gainera, Tolosako Topic-en eta Hernaniko Chillida Lekun ere ekitaldi berdina errepikatuko dute, hurrenez hurren, hilaren 12an eta 13an. Kasu guztietan, prezioa 5 eurokoa izango da eta museo bakoitzean daude salgai.
Aurtengoan ere Emma Larretak aurkeztuko du musika, dantza eta antzerkiaren ekitaldia eta Ana Perez aktore eta antzerkigile eta Ezezagunok konpainiaren sortzailea izango da omendua. Haiez gain, honako artista hauena ere izango da oholtza: Iñaki Salvador, Jakes Txapartegi, Simon Ezkiaga, Juncal Cepeda eta Olga Grande, Ezezagunok Antzerki Konpainia, Uikan Dantza Taldea eta Verdini Dantza Taldea.
