2024/7

Hasi dute greba mugagabea Merkal Calzadosen

Enpresarekin izandako bilerek ez diete balio izan aurrerapausoak emateko eta jasotako proposamenak "eskasak" direla salatu dute.

Squasha babesteko eta ez ixteko eskaera egin du Lur Alaik

Laugarren squash pista gimnasio bilakatzera doazela salatu du Lur Alai klubak eta eztabaida eskatu diote udalari. Halaber, kontraesankorra iruditzen zaie squash pista ixteko proiektuak aurrera egitea, "beste kirol espazio batzuk ez kentzeko "argudioa erabili duenean udalak.

Puntistarik onenak bueltan dira Hondarribian

Aurten, gizonezkoen Gran Slam Hondarribia-z gain, emakumezkoen Master Series Hondarribia txapelketa jasoko du Jostaldi pilotalekuak. Jaialdia ostiral honetan hasiko da, 20:00etan.

Udako kultur agenda: Txaranga Eguna, Girabira edota Euskal Jira

Irailera bitarte luzatuko den udako kultur agenda aurkeztu du udalak. Nabarmenen artean, Nestor Basterretxeak Irunen egindako ibilbide profesionalaren erakusketa topa daiteke.

Egonkor eta hobetzen

Larunbatean emakumezkoen traineruak ezustekoa eman eta igandean ohorezko txandan aritu zen. Gizonezkoek, berriz, igandean bandera esku artean izan zuten arren, eta azkenean hirugarren postuarekin konformatu behar izan zuten.

Mater ontzia Hondarribian izango da hilaren 18tik 21era

Zero Zabor Uretan kanpainak seigarrenez zeharkatuko du euskal kostaldea. Itsaso osasuntsu baten aldeko itsas zeharkaldian zortzi portu bisitatuko dituzte, Hondarribia tartean.

Usain eta kolorez bete ditu kaleak Dies Oiassonisek

Erromatarren garaiko historia eta istorioez gozatzeko jaialdia hasi da. Azoka ia egun osoz egongo da, eta bestelako 30 jarduera baino gehiago antolatu dituzte.

Amaiur eta Hondarribia lotzen dituen harlandua ezarri dute

Bi herrietan harrizko plaka bana jarri dute oroitarri moduan. Hondarribiaren kasuan Arma Plazan kokatu dute, Amaiurren kasuan, berriz, iturri baten ondoan.

Musikari lotutako ametsak ehuntzen

Euskal Herriko Gazte Orkestrak hilaren 18an emango du emanaldia Hondarribian, eta bertan arituko dira Aitziber Esuain eta Telmo Gorrotxategi hondarribiarrak. Esuainek biolina jotzen du, Gorrotxategik perkusioa. Talentu handia duten 20 urteko gazteak dira eta biek ala biek etorkizunean musikari lotuta jarraitu nahi dute.

Miren Berasategi Mora. Lotura Filmsen ekoizlea eta zuzendaria.

"Gidaritza hartu, eta asko erakutsi behar izan nuen"

Zazpi urte bete ditu sanjuandarrak Lotura Films ekoiztetxearen gidaritzan, Juanba Berasategi, bere aitaren lekukoa hartu ondoren. Euskarazko animazioarekin mundutik bidaiatzeko ilusiori heldu dio.

Ekialdebuseko "masifikazioa" salatu du LABek

20. eta 26. lineetan murrizketak salatu, eta horietan dagoen bidaiarien pilaketaren berri eman du sindikatuak.

Irune Muguruza txapeldun 23 urtez azpiko Espainiako Txapelketan

Muguruzak txapela jantzi du 400 metro hesietan. Bestalde, BATeko 17 atleta sailkatu dira 20 eta 16 urtez azpiko Espainiako Txapelketetara.

Hondarribiko udalak eraso matxisten aurkako udarako kanpaina abiatu du

Udako egun berezietarako eraso matxisten aurrean nola jokatu ezagutzeko eta arreta berezia jasotzeko telefono zenbaki bat aktibatu du udalak: 688 718 797.

Oinaurreko jolas parkea estali dute

Aurrekontu parte hartzaileetan proposatutako proiektua da, eta 406.681,27 euroko kostua izan du.

Aireportuko datuek hazten jarraitzen dute

Ekainean 49.242 bidaiari igaro ziren Hondarribiko Aireportutik. Inoizko ekaineko hilabeterik onena izan dela jakinarazi du AENAk.

Hondarribia Lantzen sozietatea desegitearen zergatia azaldu du Abotsanitzek

Ekainaren 27an egindako ez ohiko bilkuran Hondarribia Lantzen desegitea eta hura likidatzeko beharrezko izapideak martxan jartzea onartu zuten, eta astearte honetan bertan (hilak 9) erabaki horri argi berdea eman diote. PSE-EE eta EAJ udal talde politikoak erabaki horren aurka posizionatu dira.

Unai Amostegik zilarrezkoa jantzi du Euskal Selekzioarekin Nazioarteko Sari Nagusian

Santiagotarrak taldeko gazteak zilarrezkoa eta brontzezkoa irabazi ditu Gaztela eta Leonen jokatutako Sari Nagusian. Malen Juaristi ere fin ibili zen bitan laugarren sailkatuta.

Arbesko egoitzaren obrak hasiko direla jakinarazi du EAJk

Irungo Udalak bertako lur eremuan dagoen erdi tentsioko linea lurperatzeko kontratua sinatu duela baietsi du alderdi jeltzaleak.

Antolamendua aldatuko da Basurko kalean

Emigrazio eraikinaren ingurua berrurbanizatuko dute, eta Basurko kalera soilik bertako etxabeetako erabiltzaileen ibilgailuak ahalko dira sartu. Inguru horretako obrek 4 hilabete iraungo dituzte.

Irunbusen aldaketa txikiak, hilaren 13an

Dies Oiassonis dela-eta, larunbat honetako arratsaldean autobus lineen igandeetako ibilbideari helduko diote.

Gehiago