Jaietako kartel lehiaketako erakusketa etzi inauguratuko dute
Amaia KZko erakusketa aretoan egongo dira piezak ikusgai. Naomi Gonzalez Sanchezen lan irabazleaz gain, beste 23 lanak ere bertan egongo dira.
'Doinua. Indarra. Irun. Irundarrak.' lana. Etzi inauguratuko dute 2024ko San Pedro eta San Martzial Jaietako Kartel Lehiaketara aurkeztutako lanen erakusketa. Ekitaldia 18:00etan izango da, Amaia KZko erakusketa aretoan.
Aurtengo kartel irabazlea Naomi Gonzalez Sanchezen ‘Doinua. Indarra. Irun. Irundarrak.’ izan da, eta, erakusketan, Gonzalezen lanaz gain, beste 23 pertsonen lanak ikusteko aukera ere izango da.
Ekainaren 29 arte egongo da erakusketa Amaia KZn, eta piezak ikusteko aukera asteartetik larunbatera 18:00etatik 20:00etara eta igande eta jaiegunetan berriz 11:30etatik 13:30etara egongo da. Astelehenetan, berriz, itxita egongo da.
