Jaiei begira, hainbat prebentzio programa aurkeztu dituzte
San Pedro eta San Martzial jaiei begira, indarkeria matxista, alkohola zein sustantzien kontsumoa prebenitzeko programak aurkeztu dituzte.
Nuria Alzaga Irungo Udaleko Gizarte Ongizateko eta Berdintasuneko ordezkariak San Pedro eta San Martzial jaiei begira indarkeria matxista eta alkoholaren zein sustantzien kontsumoa prebenitzeko programak aurkeztu ditu.
Batetik, indarkeria matxistari buruzko informazioa eta aholkuak emateko puntu moreak jarriko dituzte honako egun eta orduetan:
- Ekainak 14. Urdanibia plaza, 22:00-01:00.
- Ekainak 15. San Juan plaza, 22:00-01:00.
- Ekainak 21. San Martzial karrika, 22:00-01:00.
- Ekainak 22.
- Ficoba, 17:00-20:00.
- Urdanibia plaza, 22:30-02:30.
- Ekainak 23. Urdanibia plaza, 22:30-02:30.
- Ekainak 27. Istillaga plaza, 21:00-00:00.
- Ekainak 28. Urdanibia plaza, 22:00-02:00.
- Ekainak 30. Urdanibia plaza, 21:30-01:30.
Gainera, lehenengoz, gune horietan garraio publikoko geltokietara, etxeetara eta abarretara joateko laguntza eskainiko dute.
Telefono morea
Bestalde, indarkeria matxistaren biktimei laguntza eta arreta emateko ‘Telefono morea’ aktibatuko dute, eta zerbitzu hori Isabel Fornieles Pereira indarkeria matxistaren biktimei laguntzen aditua den psikologoak zuzenduko du. Zerbitzua ekainaren 14ko 17:00etatik ekainaren 16ko 17:00etara eta ekainaren 222ko 17:00etatik uztailaren 1eko 17:00etara bitartean eskainiko dute, etengabe. Zerbitzua eskatzeko, 607 07 02 02 zenbakira deitu edo idatzi beharko da.
Dokumentu morea
Irungo Udalak dokumentu batean jaso ditu indarkeria matxisten kasuetan jarduteko neurri guztiak, eta, aurten, elkarte feministekin, emakume elkarteekin eta LGTBIAQ+ elkartearekin batera berrikusi eta eguneratu dituzte.
Halaber, udalak prebentzioko zenbait jarduera antolatu ditu aurtengo jaietarako: alkohol banatzaileei prestakuntza, prebentzioko alkoholemiak, substantziak testatzeko aukera, botiltzarra eta gutun eta kartel bidezko prebentzioa.
Xehetasun gehiagorako, egin klik hemen.
