Giza Eskubideen Aldeko Emakumeak entzutera, bihar, Palmera Monteron
Giza Eskubideen Liburutegia dinamika egingo dute bihar Palmera Monteron. Bertan izango dira Brenda Guillen Lemus, Itziar Errandonea Ulazia, Palmira Dual Jimenez, eta Aitzole Araneta Zinkunegi.
Bihar, hilak 29 (asteazkena) Giza Eskubideen Aldeko Emakumeak izeneko Giza Liburutegia egingo da Palmera Monteron, 18:30etik 20.30era. Iniziatiba horrekin entzute aktiboko dinamikak sustatu nahi ditu Irungo Udalak, eta ekarpenak egin giza eskubideen aldeko emakumeen lanari eta aktibismoari, agerikotasuna emateko. Dinamika antolatzeko elkarlanean aritu da udala Mugen Gainetik eta Bakeola entitateekin.
‘Giza Liburutegia’ kontzeptu bat da, eta protagonistek esperientziak bizi eta interes propioak partekatzen dituzte elkarrekin. Modu horretan, solasa, elkarrizketa eta entzute aktiboa sustatzen dituzte. Dinamika horrek funtsezko bi figura ditu: liburuak, eta entzuleak edota irakurleak. Dagoeneko izena eman daiteke orrialde honetan.
‘Liburuak’ bezala gogoetak, bizipenak, ezagutzak edo esperientzia pertsonalak kontatzera doazenak izendatzen dituzte. ‘Entzuleak’, berriz, gonbidatuak dira: entzutera, galdetzera, haiekin partekatzera eta ikastera doazenak.
Oraingoan, lau emakumek osatuko dute Giza Liburutegia, liburuaren rolean. Lau pertsona horiek eskubideen defentsan lan luzea egindakoak dira: Brenda Guillen Lemus, defendatzaile guatemalarra; Itziar Errandonea Ulazia, defendatzaile bakezalea; Palmira Dual Jimenez, emakumeen eskubideen defendatzailea; eta Aitzole Araneta Zinkunegi, LGTBI+ kolektiboaren eskubideen defendatzailea.
Saioa antolatzeko irakurketa txandak egingo dituzte, eta talde bakoitzak liburuetako bat entzun ondoren, hurrengora joko du, emakume guztien esperientziak entzun ahal izateko. Saioak 2 orduko iraupena izango du, honako ataletan banatuta:
- 10 minutu, azalpenak eta argibideak.
- 25 minutu, liburu bakoitza entzuteko eta solasaldirako.
- 10 minutu, gogoetarako eta bateratzeko.
