Jaizubia Hipika Kluba Zizurreko Kopan izango da
Jaizubia Hipika Klubeko 40 zaldizko eta amazona baino gehiago bertaratuko dira asteburu honetako Anagan II. Kopara.
Zizurren jokatuko da asteburu honetan Anagan II. Koparen bigarren jardunaldia eta Jaizubia Hipika Klubeko 40 zaldizko eta amazona baino gehiago bertaratuko dira. Lehiaketa hau hirugarren kategoriako lehiaketa da eta apirilaren 13tik 14ra egingo da Zizurreko Hipika Zentroan. Parte hartzailean Hego Euskal Herriko eta Kantabriako zaldizko eta amazonak izango dira.
Bertaratuko diren Jaizubia Zaldiketa Eskoleko parte-hartzaileen artean, Usua Cilveti, Aduna Lopetegi edo Laura Gamarra nabarmendu behar ditu Irungo klubak, Kantabriako Heras Horses eta Events klubaren instalazioetan jokatu zen lehen egoitzan 1,10m-ko proban lehenengo postuetan sartu baitziren.
Marla Graneroren lana ere azpimarratu dute, 1,00m-ko proban lehen postua lortu baizuen larunbateko saioan; 0,65m-ko proban parte hartu zutenen artean berriz, Diego Marañon, Eider Manterola edo Egor Yakovlev, aipatu dituzte lortu zituzten emaitzengatik. “Sailkapen bikainak, kontuan hartuta bi jardunaldi horietan 320 parte-hartzaile baino gehiago izan zirela Kantabriako klubean jokatu zen lehenengo fasean”.
Euskadiko Hipika Federazioak antolatutako Anagan Kopa, 3 kategoriako jauzi autonomikoen lau lehiaketako zirkuitua da. Lehiaketa horiek urtarriletik ekainera bitartean jokatzen dituzte, lau kluben laguntzarekin, eta horien artean dago Jaizubia Hipika Kluba.
