Zure Abenturaren Bila, Himalaiara

Ana Zamoranok Indiako Himalaiara bizikletaz egindako bidaiaren berri emango du ikus-entzunezko baten bitartez. Ostegunean da saioa.

Ana Zamorano, bere bizikletarekin Himalaian.

Zure Abenturaren Bila dokumental eta ikus-entzunezkoaren zikloaren saio berri bat jasoko du Amaia KZko hitzaldi aretoak ostegunean (hilaren 7an), 19:30ean. Himalaya indio sobre ruedas ikus-entzunekoarekin Ana Zamorano bizkaitarrak Indiako Himalaian barrena bizikletaz egindako bidaiaren nondik-norakoak azalduko ditu.

Ana Zamoranok horrela deskribatu du Indiako Himalaiako abentura: “Errepidez kanpoko ibilbiderik luzeena, Everest zazpi aldiz igotzea bezalakoa omen da: Great Divide Mountain Bike Route. Ibilbide hori bukatuta antzekotasun sinbolikoa duen eta Irunen helmuga duen Basque Divide ibilbidea sortu dute. EEBB-Mexiko eta Irun-Hendaia mugei buruzko hausnarketa proposatzen digu horrek”.

Gaztelaniaz izango da emanaldia. Ikus-entzunezkoa bukatzean, egilearekin solasaldirako tartea zabalduko dute.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.