Indarkeria matxistaren biktimentzako Garaitu zerbitzua aurkeztuko dute
Garaitu zerbitzua aldundiarena da eta Irun eta Hondarribiko indarkeria matxistaren biktimei arreta desberdinen zerbitzuak eskaintzen dizkie. Aurkezpen hitzaldia, asteazken honetan izango da Irungo Emakumeen Etxean.
Garaitu Irun eta Hondarribian indarkeria matxistaren biktima diren zerbitzua da, eta arreta psikosozial, sozio hezitzailea eta sozio juridikoa eskaintzen die emakumeei, haien seme-alaba adingabeei eta mendekotasun egoeran dauden biktimen ardurapeko beste pertsona batzuei.
Asteazken honetan, hilak 7, programaren aurkezpen publikoa egingo dute hitzaldi baten bidez Irungo Emakumeen Etxean (Istillaga plaza, 8), 18:00etan.
Foru aldundiak kudeatzen du zerbitzua eta, egun, arreta emateko zortzi egoitza ditu Gipuzkoan, ingurune komunitarioan eman ahal izateko arreta, ahalik eta gertuen. Irunen, 2023ko ekainean jarri zen martxan, Emakumeen Etxeko instalazioetan.
EDE Fundazioa arduratuko da aurkezpenaz eta udalaren eta Emakumeen Etxea elkartearen arteko kogestio hitzarmenaren barruan emango dute hitzaldia, berdintasunarekiko konpromisoak hartzen jarraitzeko programaren baitan.
