Txakur eta kirol zaleek hitzordu garrantzitsua dute asteburuan
Hondarribiko IX. Txakurkrosa egingo da larunbat eta igandean. Larunbat eta igandean Higer itsasargitik irtengo dira lasterkariak.
Txakur eta kirol zaleek hitzordua izango dute asteburu honetan Higer itsasargian. Larunbat eta iganderako Hondarribiko IX. Txakurkrosa antolatu du Euskanikross Kirol Klubak; VII. Ogiberri saria eta Gipuzkoako txapelketa.
Gipuzkoako txapelketarako soilik larunbateko proba izango da puntuagarria, igandekoa, berriz, Euskadiko Txakurkross ligarako puntuagarria izango da eta VII. Ogi Berri saria bi gunetako denboren batura txikiena lortzen duenak eskuratuko du.
Larunbatean 15:30ean albaitariaren kontrola eta dortsal banaketa egingo dute. Ondoren, 17:00ean bikejoring proba izango da. Parte hartzaileek 3,5km burutu beharko dituzte. Eta azkenik, 19:00ean gaueko txakurkros probari irteera emango diote. Sari banaketa 20:00etan izango da eta bertaratzen dierenentzat piskolabis bat ipiniko dute.
Igandean goiz izango dute hitzordua. 08:30ean albaitariaren kontrola eta dortsal banaketa egingo dute. Lehenengo proba 09:00etan izango da. Bikejoring modalitatean 7km burutu beharko dituzte parte hartzaileek. Ondoren, 10:30ean Euskadiko Txakurkros Ligarako puntuagarria den txakurkrosaren txanda izango da. Lasterkariek 6 km-ko ibilbidea egingo dute. Jarraian 11:45ean txakurkros popularra egingo dute (2,8km). Eguneko azken proba 12:30ean izango da, infantil kategoriako txakurkrosa. Sari banaketak 13:00etan egingo da.
