85.183 euro ekarri ditu Bonolotoak Hondarribira
Atzoko zozketan, Zuloaga kaleko Hondarribia Loteriak saltokian zigilatutako txartel batek saria eskuratu du.
Zuloaga kalean dago Hondarribia Loteriak establezimendua. Atzoko (asteazkena) Bonolotoaren zozketak milaka euro batzuk ekarri ditu Hondarribira. Herriko Hondarribia Loteriak (Zuloaga kalea, 8) saltokian zigilatutako txartel batek 85.183 euroko saria jaso du.
Atzoko zozketan inork ez zituen zenbaki guztiak asmatu. Hondarribira iritsitakoa, beraz, bigarren mailako saria da (bost zenbaki asmatu, eta osagarria). Hondarribikoaz gain, Bartzelonan ere txartel bat saritua izan da diru kopuru berberarekin.
