Haurren Olentzero eta Mari Domingiren jaialdian parte hartu nahi?
16 urtetik beherako hamar-hamabost neska-mutilez osatutako taldeek ahalko dute parte hartu. Hilaren 9ra arte apunta daitezke.
Hondarribiko Udala Gabonei begira jarri da dagoeneko, eta besteak beste, jakinarazi du Haurren Olentzero eta Mari Domingiren Jaialdian parte hartzeko izen ematea zabaldu dutela. Gutxienez hamar eta gehienez hamabost neska-mutilez osatutako herriko taldeek ahalko dute izena eman, eta partaide guztiek 16 urtetik beherakoak beharko dute izan.
Izena emateko Gazteen Zerbitzura (Jabier Ugarte kalea, 6) jo beharko dute, hilaren 9a baino lehen. Taldeek haien izena agerian eraman beharko dute, eta hilaren 24an Madalen kaleko plazan bertaratu beharko dira, 11:30ean hain zuzen. Olentzeroak eta Olentzero abestea ezinbestekoa izango da.
