[Bideoa] Emakume arraunlarien denboraldia ospatu dute Olagarro elkartean
Aurten ere ez du hutsik egin elkarteak, eta behar bezala biribildu dute aurtengo denboraldia, bazkari batekin.
Aurten ere Olagarro elkarteak ez du hutsik egin, eta behar bezala biribildu dute Hondarribiko AEko emakume arraunlarien denboraldia. Urteroko bazkaria egin zuten joan den larunbatean, urtean zehar emakumeen traineruak egindakoa omendu eta txalotzeko.
Txalaparta eta txalo artean jaso zituzten kirolariak, eta bertso batzuk ere abestu zizkieten. Toto dendak egindako opariak jaso zituzten protagonistek eta haiek ere keinu bat izan zuten Olagarrokoekin, guztiek sinatutako kamiseta bat oparitu baitzieten. Ane Mendizabal arraunlariak, taldearen izenean, honakoa esan zuen: “Eskerrik asko uda guztian zehar gu hainbeste babesteagatik, talde guztiaren partez eskerrik asko!”.
Ondorengo bideoan larunbatekoak utzitakoa ikus daiteke:
