Hemen da Irun Zuzenean jaialdia
Astebete falta da indie eta rock jaialdia hasteko. Ibilbide desberdina duten taldeak batuko ditu jaialdiak, eta sarrerak salgai daude honezkero.
Astebete falta da Irun Zuzenean jaialdia hasteko, eta gaur goizean aurkezpena egin dute Nuria Alzaga Kultura saileko ordezkariak eta Eunate Encinas jaialdiko zuzendariak, besteak beste.
Aurtengo edizioan, aurrekoen antzera, rocka eta indiea izango dira nagusi oholtza gainean. Hala, musika ibilbide osatua duten taldeez gain, aukera emango zaie haien ibilbidea hasi eta hazten ari diren musika taldeei. Eskualdeko taldeei ere lekua egin dietela adierazi dute. Horren adibide da Nada Surf, La La Love edo Morgan bezalako taldeen presentzia.
Urriaren 29 eta 30ean (ostiral eta larunbata) Ficoban elkartuko dira rock eta indiearen jarraitzaileak. Sarrera orokorrak 33 euro balio ditu, eta egunekoek 15 eta 18 artean. Bertatik bertara, Luis Marianoko Turismo Bulegoan erosi daitezke; eta Internet bidez, esteka honetan sakatuta.
Aurten, lehenengoz, foodtruckak jarriko dituzte jaialdiaren eremuan, eta aukera begetariano nahiz beganoa eskainiko duenik jarriko dute.
Irun Zuzenean 2023 (egitaraua)
Urriaren 29a, ostirala
- 19:00. Slim Fit.
- 20:00. Morgan.
- 21:00. Grises.
- 22:00. Nada Surf.
- 23:30. Serial Killerz DJ.
Urriaren 30a, larunbata
- 19:00. Siglas.
- 20:00. Shinova.
- 21:10. Veintiuno.
- 22.10. La La Love You.
- 23:45. Innmir DJ.
