Irunek areto futboleko talde berri bat du: Irun Futsal Gabarrari
Irundarrak taldeak osatu nahian dabiltza, eta areto futbolean jokatu nahi duten eta 2007tik aurrera jaio diren neska-mutilei luzatu diete jokatzeko deia.
Irunen areto futbol talde berri bat sortu dute 2023-2024 denboraldirako: Irun Futsal Gabarrari taldea. Irundarrak taldeak osatu nahian dabiltza, eta haien sare sozialetan publikatu dute interesdunek mezu pribatu bat idatz dezaketela areto futbol taldearen sare sozialetara (Facebook Irun Futsal eta Instagram @irunfutsal). Sare sozialetan partekatu duten mezuaren arabera, areto futbolean jokatu nahi duten eta 2007tik aurrera jaio diren neska-mutilei luzatu diete jokatzeko deia.
Informazio gehiagorako, Irun Futsalek helbide elektronikoa eta sare sozialak ahalbidetu ditu.
